ÅRSMØTE PÅ SANNER HOTELL, GRAN,
11.-13. MARS 2005


Denne gongen løfter vi fram temaet dialog. Dialog er eit nøkkelord for kyrkjeakademirørsla.

Vi har i snart femti år søkt å skape møteplassar for kommunikasjon mellom kyrkje, kultur- og samfunnsliv.

Brubyggjarprisen som NKA har delt ut årleg i over 20 år er også ei påminning om denne visjonen.

NKA sitt styre meiner likevel det er behov får å rette søkjelyset mot dialogen og spørje: Korleis får ein i stand dei gode dialogane? Finst det erfaringar vi kan lære av og metodar vi kan ta i bruk? Målet er å utruste rørsla til å bli endå betre i stand til å skape dei gode møteplassane og leggje til rette for dristige og naudsynte dialogar i vår tid.