Hjemmeside: www.kulturkyrkja.no

KONTAKT

Ottar Krakk
Kyrkjeverja
Postboks 65
5559 Sveio
Tlf: 53 74 84 20 / 932 16 644
E-post: ottar.krakk@sveio.kommune.no

————————————————————————————-

PROGRAM VÅREN 2017

> Programfolder (PDF)

8. februar
«Martin Luther – reformator men slett ikkje helgen»
v/ Gunnar Salomonsen

2017 er det store jubileumsåret for reformasjonen. Heile 500 år er gått sidan Martin Luther slo opp tesane sine i Wittenberg!

I Valestrand kulturkyrkje markerar vi dette med eit føredrag av pensjonert prost Gunnar Salomonsen.
Han meiner at tysk og europeisk historie frå 1500-talet ikkje let seg forstå utan Martin Luther som sentral aktør. Luther var barn av si tid, men det er god grunn til å spørja: er han framleis aktuell eller totalt utgått på dato? Me vil henta fram noko av det som gjer han til ei vedvarande inspirasjonskjelde.

Martin Luther var svært glad i musikk og song, og kunne både spela og syngja sjølv. Han har og skrive mange salmar som framleis er i bruk. 17 av dei er med i den nye salmeboka, og me vil syngja eit par av dei denne kvelden.
Kan hende vert det og solosong. Kantor Steinar Alvsaker deltek på orgelet.

 

12. mars
Traces of you
v/ Kristin Asbjørnsen saman med Ablaye Cissoko og Olav Torget

Våren 2016 introduserte Kristin Asbjørnsen sitt nye samarbeid med den senegalesiske koraspelaren Ablaye Cissoko og gitarist Olav Torget. Konserten ”Traces of you” var eit tingingsverk skrive av Kristin Asbjørnsen for Global Oslo Music og vart framførd 12.mars på Caféteatret i Oslo med eineståande respons. Trioen opnar eit nytt landskap i Kristins musikkunivers med mange fasettar.
Musikken har avtrykk frå båe vestafrikansk musikk, visesong og kontemplativ nordisk jazz.

Musikarane har saman utvikla arrangementa. I en særs vakker og original ensemblesound vert sildrande kora, gitarar og song vove saman i eit organisk, kammermusikalsk lydlandskap. Tematisk kretsar songane rundt tap, livsavtrykk og kjærleikens omdanningar.
Det er duka for ei unik konsertoppleving med tre sterke utøvarstemmer!

Konserten er eit samarbeid mellom Fartein Valen-stiftelsen og Valestrand kulturkyrkje
Billettar kan kjøpast på nett: Sjå www.farteinvalen.no

 

29. mars
Sigvart Dagsland med Vertavo-kvartetten og Torjus Vierli

Denne konserten er eit samarbeid med Fartein Valen-stiftelsen og vert halden i Valen sitt eige landskap – Valestrand kulturkyrkje. Dette er eit kyrkjerom som har vorte rusta opp med tanke på å kunne gi ei god lydoppleving for båe reine akustiske konsertar og for konsertar som tar i bruk PA.

Sigvart Dagsland har ei stemme som har fått stor merksemd gjennom fleire tiår. 30. september 2017 vart hans siste album «Røst» lansert . Vi ynskjer å invitere til ein spanande kombinasjon med duoen Sigvart Dagsland og Torjus Vierli og ei gruppe av våre fremste musikarar innan den klassiske musikktradisjonen – Vertavokvartetten. Jarle Storløkken har laga arrangement til fleire av songane til Dagsland som dei vil framføre saman. Vi trur dette samarbeidet vil gi endå ein dimensjon til Dagsland sin musikk.
På programmet står mellom anna «Røst», «Ude Og Fyge» og «Ingenmannsland». I tillegg vil vi få høyre fleire av dei songane vi kjenner så godt fra før.

Vertavokvartetten har ein energisk og musikalsk drivande spelestil.
Øyvor Volle og Annabelle Meare på fiolin, Berit Cardas på bratsj og Bjørg Lewis på cello.

Torjus Vierli er en norsk musikar som spelar piano og synthesizer. Han spelar fast med bandet Vintermåne, og har samarbeida med mange kjende artistar.

 

2. april
Valen-gudstenesta

 

Søndag 23. april kl. 19.00
Ola Bremnes / Ad Libitum

Igjen er Ad Libitum i gong med å øva til ny stor konsert i Sveio kyrkje. Denne gongen har det fått med seg den kjende musikaren, forfattaren og trubaduren Ola Bremnes. Saman med Kristin Skaare på tangentar, Torbjørn Økland på gitar og Fredrik Luhr Dietrichson på bass framfører dei mange kjende og nye låtar. Per Bjørn Habbestad dirigerar Ad Libitum.

 

Juli
Open kyrkje med sommarutstilling v/ Sarah Kibler Livesay tysdag, onsdag og torsdagar i juli. Opning 4. juli.

29. juli
Olsok-gudsteneste
Kolera kyrkjegarden i Leirvåg, «Kirkegården ved havet»

 

I samarbeid med Stord kyrkjeakademi :

23. februar: «Martin Luther og reformasjonen sett frå katolsk perspektiv», Bror Haavar Simon
29. mars: «Kjartan Fløgstad i fri dressur»
25. april: «Kor kristent skal Noreg vera», Halvor Nordhaug og Henrik Syse.

————————————————————————————-

TIDLIGERE PROGRAMMER (PDF)

> Høsten 2016
> Våren 2016
> Høsten 2015
> Våren 2015
> Våren 2014
> Høsten 2014