Borgund og Spjelkavik kyrkjeakademi

Borgund kyrkjeakademi blei oppretta på 1980-talet på initiativ frå sokneprest Inge Eidhammar. Sidan har tradisjonen vore vidareført med at soknepresten i Borgund sit i styret. Vi har lokal tilknytning til dei to sokna Borgund og Ellingsøy i Ålesund kommmune, som i dag har eit tett samarbeid på mange plan. Nedslagsfeltet til Borgund kyrkjeakademi er heile Ålesund med omland. Aktiviteten har vore jamnt god og variert i alle desse tiåra, og publikumsinteressa er solid innarbeidd. Samarbeid med andre organisasjonar el. institusjonar har dei siste åra utvida og berika virkefeltet vårt. Dei to kyrkjene – tradisjonsrike Borgund og moderne Ellingsøy – held fram med å vere faste utgangspunkt for møteverksemd og utoverretta tiltak.

Frå våren 2016 er Borgund og Spjelkavik kykjeakademier slått saman til eitt felles akademi.

KONTAKT

Marit Kaldhol
E-post: maritkaldhol@gmail.com


PROGRAM HAUSTEN 2020

Vi har valt Ei jord i krise. Klima, etikk og ansvar. som overordna tema for året.

NB! AVLYST!
Onsdag 18. november kl. 19.00
Stad: Spjelkavik kyrkje
Korfor gjer vi ikkje det som vi veit er riktig?
Det er ikkje alltid lett å sjå at det nyttar å sortere avfall, reise kollektivt og ta klimariktige val i kvardagen. Reddar vi kloden og naturmangfaldet ved desse småskala-handlingane? Korfor klarer vi ikkje alltid gjere det vi veit vi burde? Kva har økonomi med klima å gjere?
Klimapsykolog Per Espen Stoknes tar oss inn i desse spørsmåla og drøftar mellom anna korleis individuelle handlingar ikkje løyser klimaproblemet, men likevel kan skape støtte for samfunnsmessige endringar.

Per Espen Stoknes er klimapsykolog, forfattar og profilert, internasjonal foredragshaldar og førstelektor ved Bedriftsøkonomisk Institutt (BI), m.m. Han forskar på spørsmål knytta til klimaspørsmål, økonomi og psykologi og krysningspunkt mellom desse. I inneverande Stortingsperiode er han 1. vara til Stortinget for MDG. Siste bokutgiving: Grønn vekst – en sunn økonomi for det 21. århundre

Song av Barnekantoriet v/dirigent Ragnhild Eide Akslen

Arrangementet er i samarbeid med Kulturdagane i Spjelkavik


 

Én kommentar til “Borgund og Spjelkavik kyrkjeakademi”

  1. Så kjekt at sida er oppe allereie! Vi får spreie info og satse på at sida kan bidra til auka interesse! Flott arbeid!

Legg igjen en kommentar

Din e-postadresse vil ikke bli publisert. Obligatoriske felt er merket med *

Dette nettstedet bruker Akismet for å redusere spam. Lær om hvordan dine kommentar-data prosesseres.

Bevegelse. Forum. Fristed.