Ål kyrkjeakademi

fff

Kontakt:
Anne Kjersti Frøyen, Movegen 11, 3570 Ål
Tlf: 901 33 806
E-post: akfroyen@gmail.com 

Styret:
Terje Nordal, Ingunn Stræte Lie, Steinar Aa, Arvid Bjørke og Anne Kjersti Frøyen.

————————————————————————————-

PROGRAM HAUSTEN 2019

Onsdag 11. september kl. 19.15 i Ål kulturhus, Galleri Syningen:

Ei gjestfri kyrkje
– for menneske som er undervegs

Foredrag v/prost i Hallingdal Sveinung Hansen

Prosten i Hallingdal, Sveinung Hansen vil snakke om korleis kyrkja kan møte menneske som er undervegs i sine indre og i sine ytre liv. I reiseliv og i sjelesorg er gjestfridom, kvile og rekreasjon viktig.
Hansen vil med utgangspunkt i erfaringane sine som prest i reiselivskommunen Hol og frå arbeid som utdanningsprest på Institutt for sjelesorg, undersøke om det kan skapast ein teologi for menneske
på indre og ytre reise.

Sveinung Hansen starta opp som prost i Hallingdal i mai. Han har tidligare hatt arbeid
med trusopplæring for born og unge i Bærum og med utvikling og omorganisering av
kyrkja i Oslo. Frå 2011 var han sokneprest i Dagali og Skurdalen, Hol og Hovet sokn.
I 2018/2019 var han utdanningsprest på Institutt for sjelesorg ved Modum Bad.

Tysdag 15. oktober kl. 19.15 i Ål kulturhus, Galleri Syningen:

Folkesong i kvardag og fest
– eit konsertforedrag med Gunnlaug Lien Myhr

Folkesongen skil seg frå andre sjangrar ved at ein del av songane er knytt til ulike funksjonar i livet til folk – både til helg og sykne. Her møter me det gamle bondesamfunnet; tru og skikk, sosiale forhold, talemål og arbeidsmetodar som forlengst er erstatta av industrisamfunnet sine nyvinningar.

Men kva gjer folkesongen interessant for dagens menneske? I dag kan ein nemleg møte folkesongen på konsertscener og plateinnspelingar, og ein kan ta høgskuleutdanning som kvedar.

Folkesongtradisjonen i Hallingdal kan by på alt frå låttetralling, skjemtsame bygdeviser, bådnsullar, regler og stev til såre kjærleiksviser, mellomalderballadar og religiøse folketonar.

Gunnlaug Lien Myhr
har leita fram, og vore utøvar med tradisjonssong frå Hallingdal i 40 år. I 2015 kom ho ut med boka Folkesong i Hallingdal med 600 songar frå heile dalen. Ho har gjeve ut ei rekkje CDar. Fyrst med vokalgruppa Tiriltunga, og seinare fleire soloalbum.

Onsdag 6. november kl. 19.15 i Ål kulturhus, Galleri Syningen:

40 dager og 40 netter – En fortelling om stillhet
– eit foredrag ved Kjell Arnold Nyhus

Kjell Arnold Nyhus er teolog og forfattar.
Han har vore fengselsprest i 12 år, og han har gjeve ut fleire bøker. Nyhus fekk mykje merksemd då han gav ut boka Hvis jeg har en sjel. Fortellinger fra klosteret i fengslet. 
Boka formidlar erfaringane etter at langtidsdømte fangar i Halden fengsel fekk tilbod om stille retreat innafor fengselsmurane.
Nyhus er oppteken av korleis me menneske blir påverka av det som skjer rundt oss. Ikkje minst er han oppteken av kva som skjer med oss – og i oss – når det blir stille rundt oss.
I fjor kom han med boka 40 dager og 40 netter. En fortelling om stillhet. Nyhus reiste åleine til hytta utan tv, radio, internett eller telefon. Her levde han åleine i 40 dagar og 40 netter.

Kjell Arnold Nyhus kjem til Ål kyrkjeakademi og vil dele med oss både eigne erfaringar og refleksjonar, og kunnskap og kjennskap om dette tema frå andre kjelder.


TIDLEGARE PROGRAM (PDF)

Våren 2018
Hausten 2017
Våren 2017
Hausten 2016
Våren 2016
Hausten 2015
Våren 2015
Hausten 2014
Våren 2014

Legg igjen en kommentar

Din e-postadresse vil ikke bli publisert. Obligatoriske felt er merket med *

Dette nettstedet bruker Akismet for å redusere spam. Lær om hvordan dine kommentar-data prosesseres.

Bevegelse. Forum. Fristed.