Ål kyrkjeakademi

fff

Kontakt:
Anne Kjersti Frøyen, Movegen 11, 3570 Ål
Tlf: 901 33 806
E-post: akfroyen@gmail.com 

Styret:
Terje Nordal, Ingunn Stræte Lie, Steinar Aa, Arvid Bjørke og Anne Kjersti Frøyen.

————————————————————————————-

PROGRAM VÅREN 2021

Tysdag 2. februar kl. 19.15
Stad: Galleri Syningen – Ål kulturhus:

Då Tor Jonsson fillerista hallingen – eit kåseri ved Bjarne Tormodsgard.

Den nytilsette redaktøren i Hallingdølen, Tor Jonsson, går av toget på Ål stasjon. Han ser litt forvirra ut. Blir ståande å sjå seg rundt. Det er ingen stridsmann som går av toget – kan det synast som. Men der tek velkomstkomiteen styggeleg feil…
Journalisten, forfattaren, sosialisten og samfunnsrefsaren Tor Jonsson vart tilsett som redaktør i Hallingdølen våren 1946. Det vart nokre stormfulle månader. Med illsinte lesarinnlegg, trugsmål om masseoppseiing av avisa, bondeleiarar som vart hive ut av redaktørkontoret og prestar som refsa redaktøren frå preikestolen.
Tidlegare journalist og redaktør i Hallingdølen, Bjarne Tormodsgard, kåserer over Jonssons korte, men stormfulle redaktørtid i Hallingdal. Tor Jonsson tok sitt eige liv 14. januar 1951, berre 35 år gamal. I dag er han mest kjend som lyrikar.

Onsdag 24. mars kl. 19.15
Stad: Galleri Syningen – Ål kulturhus:

Å snakke godt om det vonde – eit foredrag ved Helle Marie Wolstad.

Ål kyrkjeakademi inviterer til eit foredrag om medmenneskelege samtalar med menneske i sorg og krise.
Med bakgrunn i erfaringar frå møte med menneske i krise, gjennom sjelesorg, frå Kirkens SOS sin krisetelefon og frå sitt eige liv, vil prest Helle Maria Wolstad dele erfaringar frå det å vera medvandrar når livet er som vondast.
Å stå i sorg- og krisearbeid kan gjera forferdeleg vondt. I 1990 vart ho sjølv råka av katastrofe. I brannen på Scandinavian Star der 159 menneske mista livet, miste ho begge foreldra sine.
Helle Maria Wolstad er sokneprest på Geilo og i Hol. Ho vart ordinert som prest i 1990 og er utdanna cand. theol. frå det teologiske fakultet ved Universitetet i Oslo. Ho har vore menighetsprest i Oslo, arbeidd 12 år i Kirkens Bymisjon og vore i Bergen og Osterøy i til saman 6 år før ho kom til Geilo våren 2019.

 

Torsdag 3. juni kl. 19.15
Stad: Galleri Syningen – Ål kulturhus:

Tippoldefars tid som prest i Ål – eit foredrag ved Lars Monrad Vaage.

Eit foredrag om Johan Fredrik Monrad sine år som prost i Ål, basert på memoarene til sonen hans, Hans Sundt Monrad (1877-1957) og andre kjelder.

Hans Sundt Monrad fortel: Far min, Johan Fredrik Monrad, var prest i Ål frå 1878 til 1896. Under oppveksten min fortalde han meg ofte om kor sørgeleg han syns det var at den gamle vakre kyrkja hadde vorte riven. Han fortalde at ein av grunnane til at kyrkja vart riven, var at dei trengde nokre store mastetre til tårnet i den nye kyrkja, og heradsstyret meinte a? kunne bruke mastene i den gamle kyrkja til det nye tårnet.

Presten Monrad kjempa lenge mot rivninga, men heradsstyret bestemde at kyrkja skulle rivast. Lars Monrad Vaage er fødd i Oslo i 1973, er biletkunstnar og busett i Kvinnegardslia.

Legg igjen en kommentar

Din e-postadresse vil ikke bli publisert. Obligatoriske felt er merket med *

Dette nettstedet bruker Akismet for å redusere spam. Lær om hvordan dine kommentar-data prosesseres.

Bevegelse. Forum. Fristed.