Ål kyrkjeakademi

fff

Kontakt:
Anne Kjersti Frøyen, Movegen 11, 3570 Ål
Tlf: 901 33 806
E-post: akfroyen@gmail.com 

Styret:
Terje Nordal, Ingunn Stræte Lie, Steinar Aa, Arvid Bjørke og Anne Kjersti Frøyen.

————————————————————————————-

PROGRAM VÅREN 2019

Ål kyrkjeakademi har fylgjande tre arrangement på programmet denne våren:

Tysdag 12. februar kl. 19.15 i Ål kyrkje:

Kantoren, orgelet og songen – Audun Flaen

Audun Flaen har vore organist i Ål sidan 1987. Frå orgelkrakken og det vesle kontoret bak orgelet i Ål kyrkje har han inspirert og utvikla det kyrkjemusikalske livet ikkje berre i Ål og Hallingdal, men i heile kyrkja i Noreg. Audun Flaen er utdanna kantor frå Norges Musikkhøgskole. Han var fagmannen og rådgjevaren i arbeidet med det nye orgelet i Ål kyrkje. I 12 år har han leia prosjektet med folkemusikkliturgien i gudstenesta og arrangert denne for kor og orgel. Audun Flaen er korleiar og dirigent og har arrangert utallige salmar og songar. Han har og bidratt med mange koralar til gudstenestebruk. Noko av dette presenterer han for publikum denne kvelden i Ål kyrkje.

Onsdag 10. april kl. 19.15 i Ål kulturhus:

Forsona med livet v/Laila Riksaasen Dahl

Laila Riksaasen Dahl er eit kjent namn for svært mange i Hallingdal. Ho var biskop i Tunsberg bispedømme i 11 år – frå 2003 til 2014. Før ho vart biskop arbeidde Riksaasen Dahl som prest i Nittedal i 7 år. Ho hadde ei allsidig arbeidserfaring då ho tok til som prest med bakgrunn som både lærar og kateket – før ho i mange år var lektor/amanuensis ved Menighetsfakultetet.

Kyrkjeakademiet er svært glad for å få Laila Riksaasen Dahl tilbake til Hallingdal, denne gongen i ei anna rolle enn som biskop. Laila er kjent som ein engasjert og inspirerande formidlar. Ho blir karakterisert som tydeleg og direkte – og modig. Som biskop viste ho at ho våga å ta val som ikkje alltid møtte applaus. I dette foredraget vil ho reflektere over korleis vi forheld oss til våre eigne liv, og til oss sjølve. Er vi i stand til å akseptere at livet vart som det vart? Ho legg vekt på at livsglede også handlar om å ha ei forsonende haldning.

Torsdag 9. mai kl. 19.15 i Torpo stavkyrkje:

Om kyrkjer og kristenliv i Hallingdal i mellomalderen – Foredrag v/ Sigrun Høgetveit Berg

Kva veit me om kyrkjene i Hallingdal i mellomalderen, og kva kan dei fortelja oss om det samfunnet som bygde dei? Kva var det katolske Hallingdal, og korleis var den katolske hallingen? Føredraget vil ta for seg kyrkjehistorie frå mellomalderen med utgangspunkt i Hallingdal – og reflektere over spørsmålet om korleis den katolske arven vår er formidla opp gjennom hundreåra og fram til i dag.

Sigrun Høgetveit Berg (f. 1972) er frå Ål og busett i Tromsø, der ho er tilsett som førsteamanuensis i eldre historie ved UiT – Noregs arktiske universitet. Ho har skrive doktorgradsavhandling om eitt av Noregs rikaste prestegjeld i mellomalderen, Trondenes kannikgjeld (2014), boka Reformasjonen (2017) og er særleg interessert tilhøvet mellom kyrkje og samfunn i mellomalderen.

For tida arbeider ho med eit bokprosjekt om nordnorsk religionshistorie og er i startfasen med forskingsprosjekt om Hansa-kjøpmennenes forhold til dei religiøse institusjonane i Noreg og om skandinaviske pilegrimsinstitusjonar i Roma. Interessa for historie har ho med seg frå heim og oppvekst i Ål – der ho nokre sumrar var omvisar på Ål bygdamuseum – og ikkje minst frå det ho meinte var uvanleg dyktige historielærarar på Hallingdal gymnas.


TIDLEGARE PROGRAM (PDF)

Våren 2018
Hausten 2017
Våren 2017
Hausten 2016
Våren 2016
Hausten 2015
Våren 2015
Hausten 2014
Våren 2014

Legg igjen en kommentar

Din e-postadresse vil ikke bli publisert. Obligatoriske felt er merket med *

Dette nettstedet bruker Akismet for å redusere spam. Lær om hvordan dine kommentar-data prosesseres.

Bevegelse. Forum. Fristed.